Virtlo

virtlo - նոր հայկական հավելված ios օպերացիոն համակարգի համար

virtlo - անունը կրող հավելվածը իրենից ներկայացնում է համալրված իրականության (Augmented Reality) տեխնոլոգիայի կիրառմամբ հետաքրքրության ցանկացած օբյեկտ որոնելու գործիք, որի հիմքում ընկած է “Near me”(ինձ մոտակա) գաղափարը։ Ամպային սերվերներում պահպանվող ավելի քան 100 միլիոն տվյալները տարբերակված են ավելի քան 200 կատեգորիաների միջև, որը օգտատերերին հնարավորություն է տալիս հաշված վայրկյանների ընթացքում գտնել մոտակա ռեոտորանը, դեղատունը, կանգառը, բանկոմատը և այլն, ինչը հատկապես օգտակար է ճանապարհորդելու կամ անծանոթ վայրում գտնվելու պարագայում։ Անընդմեջ թարմեցվող տվյալները հնարավորություն են տալիս օգտատերերին մշտապես գտնել իրենց անհրաժեշտ մոտակա օբյեկտը։

Հավելվածի գլխավոր առանձնահատկություններից մեկն այն է, որ նախապես բեռնելով տվյալ վայրի փաթեթը՝ այն կարելի է օգտագործել առանց ինտերնետ հասանելիության, որը հատկապես կարևոր է, երբ օգտագործողը գտնվում է արտերկրում։ Հավելվածի մի շարք առանծնահատկություններից առանձնացվում է նաև ամբողջ աշխարհում հասանելիությունը։