ՅՈՒՆԵՍԿՕ-ի ժառանգություն

ՅՈՒՆԵՍԿՕ-ի հիմնական նպատակն է նպաստել խաղաղության և անվտանգության ամրապնդմանը` կրթության, գիտության և մշակույթի բնագավառներում ազգերի համագործակցության միջոցով: Տարիների ընթացքում գործունեության ոլորտը զգալիորեն ընդլայնվել է՝ ընդգրկելով նաև սպորտը, տեղեկատվությունը և հաղորդակցությունը, խոսքի ազատությունը, կրթության ոլորտում խտրականության դեմ պայքարը, բիոսֆերան։ Վերջին շրջանում նաև աշխատանքներ են իրականացվում արհեստական բանականության էթիկայի, մասնավորապես, կանոնների մշակման ուղղությամբ: ՅՈՒՆԵՍԿՕ-ի կողմից իրականացվող ծրագրերը նպաստում են կայուն զարգացման նպատակների իրականացմանը: Հայաստանն անդամակցել է 1992թ. հունիսի 9-ին:

ՅՈՒՆԵՍԿՕ-ի ցանկում Հայաստանը ներկայացված է հետևյալ հայտերով`

1. Հաղպատի վանական համալիր (1996 թ)

2.Սանահին Վանական Համալիր (1996 թ)

3. Էջմիածնի Մայր Տաճար (2000 թ)

4. Սուրբ Հռիփսիմե եկեղեցի (2000 թ)

5. Սուրբ Շողակաթ եկեղեցի (2000 թ)

6. Սուրբ Գայանե եկեղեցի (2000 թ)

7. Զվարթնոցի Տաճար (2000 թ)

8. Գեղարդի վանք (2000 թ)

9. Ազատ գետի վերին հովիտ (2000 թ)