Վրան և Մոծակներ

Մոծակը վրանում

Առաջին հերթին ընդունված է վրանի ներքին մուտքը մշտապես փակ պահել: Եթե շոգ է, մուտքի վրա մնում է միայն մոծակապաշտպան ցանցը, բայց այն մուտք գործելիս կամ դուրս գալիս պետք է փակ պահեք: Եվ սա անհրաժեշտ է կատարել թե՛ գիշերը և թե՛ ցերեկը: Սա զբոսաշրջիկների շրջանում կարգապահության կարևոր կանոններից է: Առավոտյան ոչ ոք ստիպված չի լինի քնապարկից մրջյուններին և անտառի մյուս բնակիչներին մաքրել:

Երեկոյան քնելիս անհրաժեշտ է վերջին մտնողից հետո փակել բոլոր ելքերն ու մուտքերը, և մի քանի մոծակասպանների օգնությամբ սատկացնել բոլոր այն մոծակներին, որոնք հասցրել են ներս մտնել: Նույնիսկ եթե դրանք բավականին շատ են, սովորաբար դա դժվար չէ անել: Նրանց մեծ մասը կուտակվում է վրանի վերևի հատվածում և հստակ տեսանելի է բաց ֆոնի վրա: Որսն ավարտելուց հետո կարող եք ապահով քնել․ ոչ ոք չի խանգարի:

Չորս կամ հինգ հոգանոց մեծ վրանում, որտեղ նրանց բռնելն ավելի դժվար է, կարող եք ծխի միջոցով օգնել գործին: Իհարկե, միանգամից պետք է նշել, որ չնայած մեթոդի կիրառելիությանը, դա միշտ չէ, որ հանգեցնում է 100% արդյունքի, և հաճախ ինչ-որ մեկը դեռ ստիպված է ձեռքով վերացնել միջատներին: Մուտքը լայն բացվում է այնպես, որ մոծակները կարողանան դուրս թռչել, և կրակից ծխացող ածուխները մի քանի ամաններով դրվում են ներսում , մոտ 15 րոպե: Ամանները դրվում են մեկը մյուսի մեջ, որպեսզի չհալեցնեն վրանի հատակը: Կամ մի քանի տաքացած հակամոծակային պարույրներ են տեղադրվում, բայց անպայման ամանի մեջ կամ հրակայուն ինչ-որ բանի վրա, քանի որ թիթեղյա այս փխրուն կառուցվածքն արագ հալվում է: Իհարկե, մոծակների «ամանից» հետո ուտել չի կարելի:

Հոդվածը hatis.am կայքի սեփականությունն է և առանց գրավոր թույլտվության արգելվում է հրապարակել: Հոդվածի մասնակի կամ ամբողջական հրապարակումը կարող է իրականացվել միայն նշելով հոդվածի սկզբնաղբյուրը կամ ակտիվ հղում անելով կայքին։