Կավարտի հունական եկեղեցի

Կավարտի հունական եկեղեցի գտնվում է Հայաստանի Սյունիքի Մարզում, Կավարտ գյուղում։ Եկեղեցին ներկայումս չի գործում, գտնվում է վթարային վիճակում։ Կառուցվել է 19-րդ դարում Կապանի հանքերը շահագործող օտարերկրացիների համար քաղաքից 5-6 կմ հեռավորությամբ, այժմ՝ Կավարտ գյուղում։ Ըստ ճակատակալ քարի շինարարական արձանագրության՝ եկեղեցին կառուցել են ազգությամբ հույն Կոնդուրով եղբայրները 1865 թվականին։ Գմբեթավոր շինություն է՝ կառուցված ոչ տեղական, մուգ դարչնագույն տուֆաքարի և բազալտի համադրումով։ Քիվերի, պատուհանների շրջանակների և զարդագոտիների համար սպիտակադեղնավուն կրաքարի օգտագործումը հետաքրքրական գունային երանգ են հաղորդել կառույցին։ Եկեղեցու արևմտյան ճակատին կից է զանգակատունը։ Այստեղ է գտնվում նաև եկեղեցու շինարարի դամբարանը։

Ըստ մասնագետների, եկեղեցին յուրօրինակ կառույց է, սակայն այն վթարային վիճակում է գտնվում այսօր։ Եկեղեցու հիմքում շահագործված հանքեր են գտնվում։ Կառույցի հարավարևմտյան և հյուսիսային կողմերում կան խորը փլվածքներ, որի հետևաներով տաճար բոլոր պատերն էլ ճաքեր են տվել, և նույնիսկ չի բացառվում, որ կգա ժամանակ, երբ շինությունը կփլվի։

Լուսանկար։ Cosmo Deus