Արշավ դեպի Գեղարոտի ջրվեժ

Կիրակի՝ սեպտեմբերի 15-ին, Հատիս Տուրի հետ կուղևորվենք Արագածոտնի մարզ` Գեղարոտի ջրվեժ: Ջրվեժը գրանցված է Հայաստանի Հանրապետության Բնապահպանության նախարարության բնության պետական հուշարձանների ցանկում։ Այն գտնվում է Արագածի լանջին՝ ծովի մակարդակից մոտ 3000 մետր բարձրության վրա՝ Քասաղ գետի վրա, Արագած գյուղից մոտ 12 կմ հեռավորությամբ: Ձմռանը սառչում է, իսկ ամռանը սառնորակ ջրերը գահավիժում են մոտ 17 մետր բարձրությունից: Արշավը կսկսենք Արագած գյուղից։

Մասնակիցները պետք է ունենան` ուսապարկ, գլխարկ (ամառային, ձմեռային), տաք համազգեստ, բաճկոն, լապտեր, արշյավային կոշիկներ, անձրևապաշտպան թիկնոց, արշավային փայտեր, արևային ակնոց, մեկօրյա սնունդ և ջուր

Մեկնում։ Երևան, Կորյունի 2, 08։00

Երթուղու արժեքը՝ 8500 դր (տրանսպորտ, ուղեկցում)

Տեղեկությունների համար զանգահարել +37493554595 հեռախոսահամարին (Viber, WhatsApp)