Վերելք Սիս լեռ

Սիս վերելքը մեր հիմնական նպատակն է այս ուղևորության մեջ։ Սակայն լինել Արևմտյան Հայաստանում, չտեսնել պատմական քաղաքները, չենք կարող։ Ուղևորությունը կսկսենք Երևանից։ Հայ-վրացական, այնուհետև վրաց-թուրքական սահմանները հատելուց հետո կուղևորվենք միջնադարյան մայրաքաղաք Անի, որը հայտնի է նաև «հազար ու մի եկեղեցիների քաղաք» անվանումով։ Հասնելով Բայազետ քաղաք, կտեղավորվենք հյուրանոցի մեր սենյակում, քանզի հաջորդ օրվանից մեզ սպասվում են էմոցիոնալ օրեր։ Գիշերակացը հյուրանոցում։

Վաղ առավոտյան արթնանալուց հետո ուղղություն կվերցնենք դեպի Սիս՝ փոքր Արարատ։ Սիս լեռան բարձրությունը 3896 մետր է։  Վերելքը կսկսենք մոտ 2500 մետրից՝ բարձրանալով մոտ 1400 հարաբերական բարձրություն։ Ճանապարհի տևողությունը մոտ 2,5-3 ժամ է։ Վերելքն ավարտելուց հետո ուշ երեկոյան կվերադառնանք հյուրանոց։ Գիշերակացը հյուրանոցում։

Դե ինչ, Սիս լեռան վերելքի տպավորություններով շարժվում ենք դեպի Կարս քաղաք։ Կարսի բերդից տպավորված կիջնենք Սուրբ Առաքելոց վանք, որը, ճիշտ է, այս պահին վերածվել է մզկիթի, սակայն չի կորցրել իր հայկական ոգին, զարդանախշերն ու խաչքարերը։ Պատմական Կարս քաղաքում շրջելուց հետո կվերադառնանք Երևան։