Վերելք Սաբալան լեռ

Այս օրը վաղ առավոտյան ճանապարհ կընկնենք Սաբալան լեռան արևմտյան լանջերին գտնվող Շաբիլ գյուղ։ Շաբիլը հանդիսանում է Սաբալան լեռ բարձրանալու հիմնական բազային ճամբարներից մեկը՝ մեկնարկային կետը։ Տուրիստները այցելում են Շաբիլ ոչ միայն Սաբալան բարձրանալու համար, այլև գյուղի տաք աղբյուրները փորձելու և լեռնային հանգստավայրերում ժամանակ անցկացնելու նպատակով։ Տեղավորվելով հյուրանոցում կհանգստանանք և կդասավորենք վերելքի համար անհրաժեշտ իրերը։

Ճանապարհը մոտ 540 կմ, մոտ 8,5 ժամ

Գիշերակացը հյուրանոցում

Սաբալան լեռը բաձրանալու ենք հյուսիսարևելյան երթուղիով, որն ավելի տարածված է և հարմար սկսնակների ու առաջին անգամ լեռը բարձրացողների համար։ Տվյալ օրը գյուղից (2500 մետր) բարձրանալու ենք Սաբալան լեռան բազային ճամբար, որը տեղակայված է մոտ 3700 մետր բարձրության վրա։ Վերելքից հետո կհանգստանանք և կլիմայավարժեցման վերելք կունենանք մինչև 4200 մետր բարձրություն։ 

Գիշերակացը բազային ճամբարում (Վրաններում)

Քայլքի տևողությունը մոտ 9 ժամ

Վաղ առավոտյան (մոտ 04։00) կսկսենք վերելքը Իրանի երրորդ ամենաբարձր լեռ՝ Սաբալան (4811 մետր)։ Ճանապարհին կդիմավորենք նմանը չունեցող, լեռնային տարբերվող տեսարաններով լի լուսաբացը։ Իսկ երբ հասնենք գագաթ, կտեսնենք հրաբխային խառնարանում ձևավորված հրաշք լիճը (40-50 մետր տրամագծով)։ Գագաթ հասնելուց, վերելքը նշելուց հետո ուղղություն կվերցնենք դեպի բազային ճամբար։ Կհանգստանանք և կկիսվենք վերելքի էմոցիաներով։

Գիշերակացը բազային ճամբարում (Վրաններում)

Քայլքի տևողությունը մոտ 12 ժամ

Հավաքելով իրերը՝ լեռան բազային ճամբարից ուղղություն կվերցնենք Շաբիլի հանքային տաք ջրերով (45°C-ից 50°C) հարուստ հանգստավայր։ Հասնել Շաբիլ և չտեսնել ու չվայելել հանքանյութերով հարուստ տաք ջրերը, այն էլ վերելքից հետո, մեծ բացթողում է։ Շաբիլում մոտ կես օր անցկացնելուց հետո կուղևորվենք Թավրիզ քաղաք։ Թավրիզը համարվում է Իրանի հնագույն քաղաքներից մեկը։ Այն կարևոր դեր է ունեցել տարբեր դարաշրջաններում՝ որպես առևտրային և մշակութային կենտրոն։ Կծանոթանանք քաղաքի պատմությանը, կայցելենք հուշանվերի խանութ և տեղի շուկան, կծանոթանանք կենցաղին։

Գիշերակացը հյուրանոցում

Այս կարճ և բովանդակալից ուղևորությունից հետո մեզ մնում է վերադառնալ հայրենիք, կիսվել տպավորություններով ընկերների հետ և պատրաստվել նոր արկածների և շրջագայությունների։