.webp)
.webp)
.webp)
.webp)
.webp)
.webp)
.webp)
.webp)
.webp)
.webp)
.webp)
.webp)
.webp)
.webp)
.webp)
Վերելք Կազբեկ լեռ
$890 / յուր․ անձը
03.08.2025
2025 թ-ի վերելքների շարքում է նաև Կազբեկ լեռ վերելքը։ 5054 մետր բարձրությամբ Կազբեկը երկրորդ ամենաբարձր գագաթն է Վրաստանում և յոթերորդը՝ Կովկասի լեռնաշղթայում: Այն Արեւելյան Վրաստանի ամենաբարձր լեռն է։ Լեռը գտնվում է Վրաստան-Ռուսաստան սահմանագծին։ Շատ աղբյուրներում կտեսնեք լեռան այլ բարձրություն՝ 5033 կամ 5047 մետր։ 2019 թվականին թեև գագաթի բարձրությունը վերաչափվել է՝ օգտագործելով նորագույն տեխնոլոգիաները, և սահմանվել է 5054 մ բարձրություն, որն այդ ժամանակվանից Կազբեկ լեռան պաշտոնական բարձրությունն է։ Կազբեկ լեռն ունի վերելքի 5 երթուղի։ Վերելքի իրականացման համար մենք ընտրել ենք դասական երթուղին։
օր 1
Երևան - Ստեփանծմինդա
Երևանից վաղ առավոտյան ուղղություն կվերցնենք գրեթե վրաց-ռուսաական սահմանի մոտակայքում գտնվող Ստեփանծմինդա գյուղ։ Ճանապարհին կունենանք մի քանի կանգառներ։ Գյուղը տեղակայված է մոտ 1750 մետր բարձրության վրա։ Հասնելով գյուղ կտեղավորվենք հյուրանոցում, կստուգենք վերելքի համար անհրաժեշտ իրերի առկայությունը, կհանգստանանք, քանի որ վերելքն ու էմոցիոնալ օրերը դեռ առջևում են։
Գիշերակացը հյուրանոցում
օր 2
Ստեփանծմինդա - Մետեոկայան
Վաղ առավոտյան կարթանանք, մեքենաներով կուղևորվենք Կազբեկ լեռան ստորոտին գտնվող Ծմինդա Սամեբա վանական համալիր (14-րդ դար), որը հայտնի է նաև Գերգետի տաճար անվանումով։ Այն Վրաստանի ամենահայտնի և խորհրդանշական կրոնական կառույցներից է։ Վանքը տեղակայված է 2170 մետր բարձրության վրա։ Վանքի պատմությանը ծանոթանալուց և տեղանքն ուսումնասիրելուց հետո կսկսենք վերելքը դեպի մետեոկայան (3750 մետր բարձրության վրա)։ Հասնել մետեոկայան՝ կտեղավորվենք կացարանում և կհանգստանանք։
Քայլքի տևողությունը մոտ 6 ժամ
Գիշերակացը կացարանում
օր 3
Կլիմայավարժեցման օր
Ինչպես մյուս 5000+ վերելքների ժամանակ, այս վերելքի դեպքում ևս շատ կարևոր է օրգանիզմի ադապտացումը տեղի կլիմայական պայմաններին և բարձրությանը։ Ուստի այս օրը կլիմայավարժեցման վերելք կկատարենք և կբարձրանանք մոտ մինչև 4300 մետր բարձրություն՝ հասնելով Կազբեկի լեռնանցք։ Հենց այս օրն էլ կսովորենք ինչպես ճիշտ օգտագործել տեխնիկաները, ինչպես անվտանգ տեղաշարժվել սառույցով և ձնառատ լանջերով։ Վայրէջքից հետո կհանգստանանք և կպատրաստվենք գիշերային վերելքին։
Քայլքի տևողությունը մոտ 4 ժամ
Գիշերակացը կացարանում
օր 4
Վերելք Կազբեկ լեռ
Կախված եղանակային պայմաններից՝ գիշերը մոտ 01։00-02։00-ի սահմաններում կսկսենք վերելքը։ 8-9 ժամ քայելելուց հետո կհասնենք գագաթ, կնշենք վերելքը գագաթին, կվայելենք կովկասյան լեռների գեղեցկությունն ու կսկսենք վայրէջքը դեպի մետեոկայան։ Հասնելով մետեոկայան կհանգստանանք, կթերթենք լուսանկարներն ու կվերապրենք էմոցիաները։
Գիշերակացը կացարանում
օր 5
Կազբեկ լեռ - Ստեփանծմինդա
Նույն ճանապարհով, ինչ ճանապարհով որ բարձրացել ենք լեռը, կսկսենք վայրէջքը։ Կհասնենք հյուրանոց, լոգանք կընդունենք, կդասավորվենք իրերն ու կպատրաստվենք ճանապարհին։
Գիշերակացը հյուրանոցում
օր 6
Վերադարձ Հայաստան
Առավոտյան կշարժվենք Հայաստան։ Ժամանակից կախված կանգառ կունենանք նաև Թբիլիսիում։ Դե ինչ այսքանով կհամարենք ուղևորությունն ավարտված։
Մասնակիցները պետք է ունենան` քնապարկ, ուսապարկ (մեծ և փոքր), լեռնային կոշիկներ, տաք համազգեստ (լեռնային), բաճկոն (куртка), գլխարկներ (ամառային, ձմեռային), հարմարավետ ձեռնոցներ, սվիտեր, արևապաշտպան քսուք, լապտեր (ճակատային), ձեռնափայտեր, ջերմային ներքնազգեստ (термобельё), դիմակ, ակնոցներ, արշավային զանգապաններ, անվտանգության գոտի, զսպանակակեռիկներ 3 հատ, կատվիկներ:
Մասնակցության արժեքը մեկ մասնակցի համար՝ 890 $
Արժեքի մեջ ներառված է՝
✔ Տրանսպորտ
✔ Ուղեկցորդների ծառայություններ
✔ Հյուրանոց (ներառյալ նախաճաշեր)
✔ Սնունդ՝ վերելքի ամբողջ ընթացքում (լեռան վրա)
✔ Գույքի և հանդերձանքի տեղափոխում (ձիերով)
✔ Գիշերակաց մետեոկայանում
✔ Մասնակցության վկայական
Արժեքը չի ներառում
✘ Սննդի ծախսերը (բացառությամբ լեռան վրա գտնվելու օրերի և նախաճաշերի)
✘ Ճանապարհորդության ապահովագրություն
✘ Անձնական ծախսեր
Տարիքային սահմանափակում` 16-ից մինչ 50 տարեկան:
Տեղեկությունների և գրանցման համար զանգահարել +37493-554595 (Viber, WhatsApp) հեռախոսահամարով կամ գրել մեր էլ․ հասցեին՝ [email protected] և ֆեյսբուքյան էջին
!
Հոդվածը hatis.am կայքի սեփականությունն է և առանց գրավոր թույլտվության արգելվում է հրապարակել: Հոդվածի մասնակի կամ ամբողջական հրապարակումը կարող է իրականացվել միայն նշելով հոդվածի սկզբնաղբյուրը կամ ակտիվ հղում անելով կայքին։
Թողնել մեկնաբանություն
.webp)
Վճարել Easypay համակարգի միջոցով
- Վահանակից ընտրեք «Ֆինանսական ծառայություններ» բաժինը
- Բացված ցանկից ընտրեք «Բանկեր» բաժինը
- Բացված ցանկից ընտրեք «Բանկեր» բաժինը
- Սեղմեք «Բանկային հաշվի համալրում» կոճակ
- Մուտքագրեք հաշվեհամարը և սեղմեք «Հաստատել»։
- Ստուգեք հաշվեհամարի ճշտությունը և կազմակերպության տվյալները, մուտքագրեք գումարը և սեղմեք վճարել։Ուշադրություն, մուտքագրված գումարից 200 կամ 300 դրամը պահվում է որպես միջնորդավճար։
- Վճարելուց հետո Ձեզ կտրամադրվի կտրոն, որը անհրաժեշտ է ուղարկել մեզ՝ կցելով այն գրանցման հայտին։