Վերելք Էլբրուս լեռ

Օգոստոս 12 - 19 (հաստատված)

 Ժամանակն է բարձրանալու Եվրոպա աշխարհամասի ամենաբարձր գագաթը՝ Էլբրուս լեռը։ Լեռը բարձրանալու ենք դասական և հայտնի երթուղիով՝ հարավային կողմից, որն առաջին անգամ լեռ բարձրացողների համար ամենահարման տարբերակն է։ Դեպի Էլբրուս տանող այս երթուղին ամենահայտնին է: Էլբրուսի լանջերից բացվում են հիանալի տեսարաններ դեպի Կովկասյան լեռնաշղթա, Ուշբա լեռ և այլ գագաթներ։

Մասնակիցներն իրենց հետ պետք է ունենան համապատասխան գույք և հանդերձանք։

Էլբրուս լեռան վերելքի գույքին և հանդերձանքին կարող եք ծանոթանալ ԱՅՍՏԵՂ

Մասնակցության արժեքը մեկ մասնակցի համար՝ 1260 $

Արժեքն իր մեջ ներառում է

✔ Տրանսպորտ (ամբողջ տուրի ընթացքում)

✔ Պրոֆեսիոնալ ուղեկցորդներ. Առաջնորդ ուղեկցորդ՝ ամբողջ ծրագրի ընթացքում, և օգնական ուղեկցորդներ՝ Էլբրուս բարձրանալու օրը (պարտադիր 1 ուղեկցորդ 3 մասնակցի համար․ այսինքն, եթե խմբում կա 4 մասնակից, ապա կլինեն երկու ուղեկցորդներ, եթե յոթ մասնակից՝ ուրեմն երեք, և այդպես շարունակ): Մենք վերելքների փորձերի քանակի սահմանափակում չունենք, ինչպես մյուս ընկերություններում: Եթե վերադարձել ենք կամ եղանակի պատճառով չենք սկսել վերելքը, ապա փորձում ենք վերելք կատարել նաև հաջորդ օրը։ Այդ դեպքում մենք ինքներս ենք կրում բոլոր ծախսերը (իսկ դրանք շատ մեծ են)։  Այնուամենայնիվ, եթե խմբի մի մասը բարձրացել է գագաթ, իսկ մյուս մասին չի հաջողվել, ապա վերելքը համարվում է կատարված։

✔ Պրոֆեսիոնալ խոհարարի ծառայություններ և տարածաշրջանի լավագույն սնունդը

✔ Հյուրանոց, 2-3 տեղանոց համարներ (գիշերների քանակը ըստ ծրագրի)

✔ Կացություն լեռան ճամբարում՝ 4-տեղանոց տնակներում (գիշերների քանակը ըստ ծրագրերի)

✔ Ճոպանուղու տոմսերը

✔ 3-անգամյա սնունդ ամբողջ ծրագրի ընթացքում: Ընթրիք՝ առաջին օրը, նախաճաշ՝ վերջին օրը (բացառությամբ մեկնելու և վերադարձի ճանապարհի)

✔ Բոլոր անհրաժեշտ թույլտվությունները և գրանցումները: Ի դեպ, շատ ծիծաղելի է, երբ գրում են "արտակարգ իրավիճակների նախարարությունում գրանցումը ներառված է արժեքի մեջ": ԱԻՆ-ում գրանցումը միշտ անվճար է։

✔ Խմբային սարքավորումներ (արբանյակային նավիգատորներ և դեղատուփ ուղեցորդների մոտ, ռադիոկապ, պարաններ, սառցակտրիչ, փրկարարական ծածկոցներ և այլն)

✔ Ապահովագրություն

✔ Մասնակցության վկայական

Արժեքն իր մեջ չի ներառում

✘ Ձնագնաց մեքենա (ռատրակ) վերելքի օրը (անհրաժեշտության դեպքում վճարվում է տեղում), մենք ոչ մեկին երբեք չենք պարտադրում օգտագործել այն

✘ Մեկտեղանոց համարներ (հյուրանոց և կացարան)

✘ Անձնական գույք և հանդերձանք

✘ Ծրագրից ցանկացած շեղում

✘ Ծրագրի փոփոխությունների հետ կապված ցանկացած ծախս

✘ Թեյավճարներ

Արշավին կարող են մասնակցել միայն լեռնային արշավների փորձ ունեցող անձինք։

Ծրագրի արժեքը հաշվարկված է 14 մասնակցի համար: Մասնակիցների թվի փոփոխության դեպքում արժեքը նույնպես ենթակա է փոփոխության:

Մեկնում։ Երևան, Կորյունի 2, 04։00

Տեղեկությունների և գրանցման համար զանգահարել +37493554595 (Viber, WhatsApp) հեռախոսահամարով կամ գրել մեր էլ․ հասցեին՝ [email protected]