Վերելք Կիլիմանջարո լեռ

Կիլիմանջարոն աշխարհի յոթ ամենաբարձր գագաթներից մեկն է, որը գտնվում է Աֆրիկա աշխարհամասում: Ամենաբարձր կետը Կիլիմանջարո լեռան Ուհուրու գագաթն է, որի բարձրությունը ծովի մակարդակից 5895 մետր է։ Կիլիմանջարո լեռը գտնվում է Տանզանիայի հյուսիս-արևելքում, Քենիայի հետ սահմանին։

Կիլիմանջարո կարելի է բարձրանալ տարվա բոլոր եղանակներին։ Ամեն դեպքում, եղանակից կախված վերելքը կարող է լինել բարենպաստ, կամ հակառակը։ Տանզանիան համարվում է հասարակածային կլիմա ունեցող երկիր, որի շնորհիվ երկրում ողջ տարվա ընթացքում գրեթե միշտ օդի ջերմաստիճանը հաճելի է: Տանզանիայում անձրևի երկու շրջան կա՝ մարտ-հունիս և հոկտեմբեր-դեկտեմբեր։ Ամեն դեպքում, ձեզ խորհուրդ կտանք խուսափել անձրևային ժամանակահատվածում Կիլիմանջարո բարձրանալ, քանի որ թաց խոտածածկույթը և խոնավ պայմանները որոշ չափով կբարդացնեն վերելքը։

Սա հաճախ տրվող հարցերից է: Այս հարցին պատասխանելու համար շատ տեղեկություններ կարող եք գտնել համացանցում: Կիլիմանջարո վերելքը հատուկ լեռնագնացության փորձ չի պահանջում: Իսկապես, գագաթին առկա քիչ ձյունը չի պահանջում մասնագիտական և տեխնիկական սարքավորումների կիրառում: Կիլիմանջարո վերելքին կարող է մասնակցել յուրաքանչյուր անձ, ով ունի նվազագույն ֆիզիկական պատրաստվածություն: Վերելքը իրենից ենթադրում է 4-9 օրյա արշավ բարձրության վրա: Հետևաբար, Կիլիմանջարոյի գագաթ հասնելը տեխնիկական դժվարություն չի պահանջում: Ըստ վիճակագրության, գագաթ են հասնում մասնակիցների 50%: Այս ցուցանիշը հիմնականում կախված է նրանից, թե որ երթուղիով են մասնակիցները վերելք կատարել։

Կիլիմանջարո լեռ վերելքը լեռնագնացության հատուկ պատրաստվածություն չի պահանջում:
Այնուամենայնիվ, արդյո՞ք կկարողանաք առանց լեռնագնացության հատուկ պատրաստվածության հաղթահարել Աֆրիկայի ամենաբարձր գագաթը, որը ունի գրեթե 6000 մետր բարձրություն: Ամեն դեպքում, դուք անպայման պե՞տք է անցնեք մարցումների, պատրաստվածության հատուկ փուլ, որպեսզի կարողանաք գրավել Կիլիմանջարոյի գագաթը։  Եվ այսպես, Կիլիմանջարոյի վերելքը չի պահանջում լեռնագնացության տեխնիկական հատուկ փորձ, այն իրենից ներկայացնում է մի քանի օրյա արշավներ (մասնակի վերելքներ) որոշակի բարձրության վրա: Այս գագաթը հասանելի է բոլորին, սակայն, այնուամենայնիվ, անհրաժեշտ է ունենալ նվազագույն ֆիզիկական պատրաստվածություն։ Մարզված մարդը, կարծում ենք, առանց որևէ անհանգստության հասնի Կիլիմանջարոյի գագաթ: Որպեսզի պատկերացում կազմեք, թե մասնակիցը ֆիզիկապես ինչպես պետք է պատրաստվի վերելքին, ասենք, որ շաբաթական մի քանի անգամ վազքը բավարար կլինի գագաթ հասնելու համար: Իմացեք, որ կա մի շատ կարևոր գործոն, որը պետք է հաշվի առնել Կիլիմանջարոյի վերելքը սկսելիս։ Այս գործոնը բարձրությունն է: Անկախ նրանից՝ ֆիզիկապես պատրաստ եք, թե ոչ, բարձրության նկատմամբ դիմադրությունը անհատական է յուրաքանչյուր մարդու համար: Ձեր մարմնի վրա բարձրության ազդեցությունը հասկանալու այլ միջոց չկա։ Անհրաժեշտ է ուղղակի դիմադրություն ձեռք բերելու համար հաղթահարել մի շարք բարձրություններ, օրգանիզմին ադապտացնել տվյալ բարձրությանը։

Կիլիմանջարոյի գագաթը նվաճելու համար անհրաժեշտ է նվազագույն ֆիզիկական պատրաստվածություն: Վերելքը տեղի է ունենում մի քանի օրվա ընթացքում, ձեզանից ուղղակի պահանջվում է մի քանի օր դիմադրել ջանքերին։ Ամեն դեպքում վերելքին պատրաստվելիս անհրաժեշտ է մասնակցել մի քանի արշավների, սովորել լեռնային քայլքը, արշավել անընդմեջ մի քանի ժամ և այլն։ Այս ամենից հետո մասնակիցը որևէ խնդիր չի ունենա։ Եվ այն անձինք, ովքեր չեն մարզվում, անպայման պետք է սկսեն մարզումները, և չմոռանան, որ գագաթին հասնելու համար առնվազն նվազագույն ֆիզիկական պատրաստվածություն անհրաժեշտ է:

Ակնհայտ է, որ երբ դուք ձեռնամուխ եք լինում նման արկածախնդրության, դուք իսկապես ցանկանում եք հասնել գագաթին: Դրա համար անհրաժեշտ է հնարավորինս լավ նախապատրաստվել վերելքին։
Եվ այս ամենին հասնելու համար մենք ձեզ խորհուրդ ենք տալիս. Կիլիմանջարո մեկնելուց մի քանի ամիս առաջ մասնակցել կանոնավոր ֆիզիկական մարզումների, օրինակ ամեն օր վազեք կամ հաճախեք մարզասրահ։ Մարզվել կարող եք նաև ընտրելով արշավներին մասնակցելու տարբերակը. մասնավորապես, գնացեք լեռնային արշավների, ադապտացրեք ձեր մարմինը բարձրությանը: Իհարկե, Հայաստանում չեք գտնի նման բարձրության լեռներ, որոնք հեշտ հասանելի կլինեն, բայց միևնույն է, մի քանի արշավներ լեռներում, նախքան Կիլիմանջարո վերելքը, կօգնեն ձեր օրգանիզմին:

Անկախ այն երթուղուց, որը որ ընտրել եք Կիլիմանջարո բարձրանալու համար, կան որոշ առանձնահատկություններ, որոնք պետք է հիշել այս արշավին պատրաստվելիս.

Հիգիենա. չկա ցնցուղ, այնպես որ դուք ստիպված կլինեք բավարարվել տաք ջրով փոքր ավազաններով: 

Սնունդ. Պետք է հոգեպես պատրաստ լինեք նրան, որ աֆրիկյան խոհանոցը բավականաչափ տարբերվում է հայկական խոհանոցից՝ սկսած ուտելիքներից, ջրից և այլ մթերքներից։ Ուստի պետք է գիտակցել, որ տարածաշրջանի փոփոխությունից կախված խոհանոցը տարբեր է, սնունդն էլ անսովոր մեր քիմքին։

Ցուրտը. առաջին օրերին, ցերեկը, ջերմաստիճանը բավականաչափ հաճելի է լինելու։ Մայրամուտին ջերմաստիճանը զգալիորեն իջնում է, և դուք պետք է հագնեք ձեր փոքրիկ բաճկոնները։ Գիշերը կարող է շատ ցուրտ լինել։ Վերջնական վերելքն ամենաբարդ ժամանակն է, որ պետք է հաղթահարել։ Վերկացը մոտ 00.00-ին է, երբ մեր շուրջը ամեն ինչ սառած է, այն ժամանակ սկսում ենք վերելքը։ Վերևում ջերմաստիճանը կարող է հասնել-10 - -20 աստիճանի: Այնպես որ, պատրաստվեք այս ջերմաստիճանին!!

Հոգնածություն. արշավի ընթացքում օրերը կարող են երկար և հոգնեցուցիչ լինել: Իմացեք, որ որպես կանոն դուք քայլելու եք օրական 4-ից 6 ժամ: Սա ձեզ ժամանակ կտա հանգստանալու ճամբար հասնելուց հետո, քանի որ հիմնականում վերելքները սկսում ենք առավոտյան, իսկ կեսօրին արդեն ժամանակ կունենանք հանգստանալու: Կարևորը ուժերը պահպանելն է վերջնական վերելքի համար, որտեղ միայն գագաթին հասնելու համար քայլելու ենք մոտ 7 ժամ։ Խորհուրդ ենք տալիս ուշադիր հետևել ուղեկցորդներին խորհուրդներին, քայլել խմբի տեմպով, նույնիսկ եթե ֆիզիկապես լավ պատրաստված եք։ 

Մոտիվացիան․ «երբ ուզում ես, կարող ես», այս արտահայտությունն ամփոփում է Կիլիմանջարոյի վերելքը։ Բայց ամեն դեպքում կան գործոններ, որոնք անզոր են այս արտահայտության կատարմանը, մասնավորապես՝ բարձրության հիվանդությունը (բարձրության հիպոքսիան): Այնուամենայնիվ, ձեր մոտիվացիան և ձեր վճռականությունը ձեզ կհասցնեն Կիլիմանջարոյի գագաթ: Հիշեք, մոտիվացիան և վճռականությունը հաջողության ամենամեծ գրավականն են:

Բարձրության հիվանդություն. Բարձրության հիվանդությունը այն գործոնն է, որը չի կարելի թերագնահատել կամ անտեսել, և ամենավտանգավորն է, երբ վերելք եք կատարում Աֆրիկայի ամենաբարձր կետը: Իսկապես, յուրաքանչյուր մարդու օրգանիզմի վրա բարձրության ազդեցությունը տարբեր է և այն կախված չի քո մարզված լինել, կամ չլինելու հետ։ Ուստի անհրաժեշտ է մեծ ուշադրություն դարձնել ամենափոքր նշաններին, որոնք կարող են ի հայտ գալ վերելքի ընթացքում: Բարձրության հիվանդությունը հաճախ է հանդիպում Կիլիմանջարոյում: Վատ կլիմայականացումը կարող է առաջացնել լուրջ գլխացավերի, սրտխառնոցի, փսխումների և այլնի։ Անհրաժեշտ է դրան վերաբերվել լրջորեն և որքան հնարավոր է շուտ տեղեկացնել այդ մասին ձեր ուղեկցորդին: Լեռնային հիվանդության դեմ պայքարելու լավագույն միջոցը դանդաղ քայլքն է և շատ ջուր խմելը: Խմելու ջուրը չափազանց կարևոր է, հիշեք դա։