Բերկրիի ջրվեժ

Ջրագրություն

Բերկրիի ջրվեժ գտնվում է Վանա լճից հյուսիս-արևելք, լճափից 16 կմ հեռավորության վրա, Բերկրի գետի աջակողմյան հարթավայրում, ձորամիջում։ Հեռավորությունը Վան քաղաքից մոտ 90 կմ է, իսկ Արճեշից՝ 40 կմ։ Պատմականորեն Բերկրին մտնում էր Մեծ Հայքի Վասպուրական աշխարհի Արբերանի գավառի մեջ։

Ջրվեժի բարձրությունը և Բերկրի գետը

Բերկրիի ջրվեժ այն ունի մոտ 15 մետր բարձրություն։ Գտնվում է Բերկրի գետի վրա, որն իր հերթին սկիզբ է առնում Թոնդրակ լեռից, հոսում Վասպուրականի լեռներին զուգահեռ` անցնելով 65 կմ տարածություն, եւ թափվում Վանա լիճը։ Եղեռնի ժամանակ այս ջրվեժի ջուրը հաճախ է ողողված եղել հայկական արյունով:

Բերկրիի պատմությունը և տեղագրությունը

Հնում այն Գնունի նախարարական տան տիրույթն էր, իսկ VIII - IX դարերից անցել է Արծրունիներին։ Նոր ժամանակներում, ըստ թուրքական վարչական բաժանման, Վանի նահանգի Բերկրիի գավառակի կենտրոնն էր։ Բերկրին միջնադարյան Հայաստանի գրչագրության կենտրոններից է։ XIX դարի երկրորդ կեսում և XX դարի սկզբներին Բերկրիում գործում էր հայկական մի վարժարան։

Լուսանկարը՝ Արթուր Մարտիրոսյանի

Հոդվածը hatis.am կայքի սեփականությունն է և առանց գրավոր թույլտվության արգելվում է հրապարակել: Հոդվածի մասնակի կամ ամբողջական հրապարակումը կարող է իրականացվել միայն նշելով հոդվածի սկզբնաղբյուրը կամ ակտիվ հղում անելով կայքին։