Արագած լեռ

Արագած լեռը հրաբխային քառագագաթ լեռ է Հայաստանի կենտրոնական հատվածում։ Ամենաբարձր կետը հյուսիսային գագաթն է, որն ունի 4090.1 մետր բարձրություն։ Այն շրջապատից մեկուսացած, վահանաձև փռված մի զանգված է՝ մոտ 200 կմ շրջագծով։ Հովհարաձև տարածված լանջերի հետ միասին գրավում է մոտ 4000 կմ² տարածություն Արարատյան ու Շիրակի դաշտերի, Ախուրյան ու Քասախ գետերի միջև։ Երեք կողմից նրան հարևան են հյուսիսից՝ Շարայի, արևելքից՝ Արայի, հարավ-արևմուտքից՝ Մեծ Արտենի լեռները։ Եղել է պատմական Մեծ Հայքի Արագածոտն, Շիրակ և Նիգ գավառների սահմաններում։ Այժմ մտնում է Արագածոտնի և Շիրակի մարզերի տարածքում (ՀՀ տարածքի հս-արմ-ում)։

Արագած լեռան գագաթները ըստ բարձրության

1․ Հյուսիսային գագաթ 4090․1 մ

2․ Արևմտյան գագաթ 3995․3 մ

3․ Արևելյան գագաթ 3908․2 մ

4․Հարավային գագաթ 3887․8 մ

Բազմաթիվ վերելքներից մեկը՝ դեպի հյուսիսային գագաթ

Արագած լեռան հսկա խառնարանը

Արագածն անցյալում եղել է աշխարհի ամենախոշոր հրաբուխներից մեկը։ Ունի 400 մ խորությամբ և 3 կմ տրամագծով հսկա խառնարան, որի քայքայված պատերի մնացորդները կազմում են լեռան չորս կատարները։ Խառնարանը հարավարևելյան կողմից բաց է և կապվում է շրջապատին։ Կատարները դասավորված են կիսաշրջանաձև և կազմում են 270 աստիճանի աղեղ։

Լուսանկար։ Արթուր Մարտիրոսյան

Հոդվածը hatis.am կայքի սեփականությունն է և առանց գրավոր թույլտվության արգելվում է հրապարակել: Հոդվածի մասնակի կամ ամբողջական հրապարակումը կարող է իրականացվել միայն նշելով հոդվածի սկզբնաղբյուրը կամ ակտիվ հղում անելով կայքին։

1 Մեկնաբանություն

Grisha

Հունիսի 25, 2023

Hiking with Hatistour is first of all a great pleasure to spend a nice time with friendly and competent people who share their huge experience and boundless knowledge of hiking and Armenian geography with each participant. Even if it’s your first hike, in their warm and kind atmosphere you forget it immediately and enjoy the beautiful nature with sociable people and you return home with lots of pleasant impressions and unforgettable memories…